|
SubscriptionsSites I Read
|
|
|
|
| 之前電腦壞左, 無上網幾日, 淨係得係PB個幾日可以上... 點知媽咪竟然幫我整好左個電腦!!!真係好勁!!! 講返前排既事先~ 3/11 睇左Eason Concert, 好睇, 好開心, 加D相先 (阿仙奴好波)      
4/11 煩人workshop, 但係今個星期好好~因為我係繼MA同MC之後再一次係Workshop 2 present哂～即係話我4個module都係係Workshop 2 present既, 非常咁巧合~雖然MB題目勁難又講唔哂, 但係可以搞掂哂D present我已經好滿足 今日我地上video training, 完全聽唔到睇唔到(根本無諗過聽), 所以就全力溫書, 好充實 PS: 拎左畢業袍, 可以開始影畢業相喇~唔知大家有無興趣呢?如果得閒就話比我聽啦 PS2: 部PS2死左, 希望整得返 | | |
| 尋日出左成日街, 都好耐未試過喇~ 最開心既係抽到2粒蛋, 第一粒龍珠一下就抽到悟空, 真係開心到爆燈 點知再抽另外一部整'估'人機, 一下又抽到最想要個個, 勁爽 之後諗到一鼓作氣, 再衰三竭啦, 抽halloween米老鼠, 點知... 瀨野, 抽到超細(緻)小熊維尼豬...係最唔好個個 hehe 不過咁樣已經好開心, 原來小小事已經可以令人好開心... 簡簡單單, 唔係一定要搵大錢, 搏出位先至得既~ | | |
| 終於的起心肝, 改一改以前白痴的作風！ | | |
| 終於考到車牌, 好彩係一take過 遇到個超級黑面神... 但係唔係咁開心既係個成績單上面有12個錯誤, 雖然都係pass, 但係都真係有少少恥辱 一開波就叫我睇住地下轉彎, 我真係驚到呢...明明話考官唔會做野架嘛, 除非係有需要...咁就肥梗.... 所以佢一開始就咁話我, 我真係諗: 唔係咁肥下嘛, 呢個位練左十幾萬次都無事... 成程都心不在焉 好喇, 考完要停車又話我停得太近開唔到門喎, 真係唔知佢想點 其實佢D態度真係差到爆, 好似我殺左佢全家咁 好似佢無睇住我入P汳已經成半個人落左車, 跟住話: 考完, 就走左 可能佢趕住去投胎啦, 唔知佢喇 12個錯, 我淨係知最多3,4個大概係邊度犯, 其他個D真係一頭霧水... 明明之前有4,5個師父都讚我架嘛, 仲話我有「80分, 相當高架喇」,「阿黃生你手車都幾爽」,「錯誤真係搵唔到」, 呢D讚美等等 不過, 算啦, 唔可以太完美, 太如意架喇, pass到已經好好好好架喇 恭喜恭喜, 又完成一個task~ | | |
| 終於到星期五, 全星期第一次係屋企食晚飯, 真係開心 星期二開始左返工既生涯 頭三日由8:30返到5:30, 夜晚6:30-10:00繼續上QP workshop既workshop 日日都係天光食晚飯, 勁辛苦 又超多重野扲, 電腦加notes, 真係有磅過, 成15磅重架...同扲4個CLP真係有得揮 唔敢想像到左真係返工會係有幾辛苦... 返到屋企, 食D野, 沖涼, 差唔多要目訓喇... 大家未開始返工既朋友真係要珍惜淨返既讀書時間...返長工既心態真係同以前返intern好唔同... 開始諗通, 所以近2日上training都投入多左 我已經做左我可以做既野, 都無悔喇, 無論點, 有個答案我都可以計劃下下一步應該點做 所以儘快有個決定絕對係一件好事 估唔到會遇到2個好好人既manager, 問左佢地D意見, 無論幫唔幫到都已經賺左 希望明天會更好啦 | | |
|
